Introduction
Paul Perriott is en Gewerkschafter un Politiker ut Belize.
Perriott hett siet 2000 as Techniker för Belize Telemedia Limited (BTL) arbeidt un weer de Anföhrer von de Belize Communication Workers Union (BCWU). In Belize bekannt worrn is he vör allen bi de Unruhen 2005. Nadem BTL 2009 verstaatlicht worrn is, hett sik Perriott dorför insett, dat de Anstellten von dat Ünnernehmen en Deel von de Andelen övernehmt. 2010 is Perriott von Belize-Stadt versett worrn na Dangriga, wat he as Straaf för sien Gewerkschaftsarbeid sehn hett. In’n Februar 2011 müss he sien Job bi BTL afgeven.
Perriott weer von 2008 bet 2012 as Vertreder von de Gewerkschaften Maat von’n Senaat von Belize.
He is verheiraadt mit Christine Perriott, de Generaalsekretärin von de BCWU weer un 2007 ok ehren Job bi Belize Telemedia Limited verloren hett. Dat Poor is later na de USA tagen un leevt in Norman (Oklahoma). Paul Perriott arbeidt dor för Hitachi.
Footnoten
- ↑ Senator Paul Perriott resigns from Telemedia, Channel 5 Belize an’n 22. Februar 2011
- ↑ Appeals Court slashes Christine Perriott’s wrongful termination award over 50%, Amandala an’n 11. November 2014