Introduction
Mark Polish (30 d'ochobre de 1970, El Centru, California, Estaos Xuníos) ye un actor, productor, guionista estauxunidense conocíu por delles películes como Twin Falls Idaho (1999), Northfork (2003) y The Astronaut Farmer (2006).
Biografía
Mark nació'l 30 d'ochobre de 1970 na ciudá de El Centru, California, el so padre ye d'ascendencia austríaca y la so madre ye mexicana. Tien un hermanu ximielgu llamáu Michael Polish, anque Mark nació en primer llugar con 20 minutos de diferencia. Trabaya al pie del so hermanu Michael realizando la función d'actor, guionista, productor y dacuando como co-direutor. Dambos son conocíos nel mundu del cine como los hermanos Polish.
Debutó como actor en 1996 cola película Hellraiser: Bloodline, dirixida por Alan Smithee y onde interpretaba a unu de los ximielgos cenobites, onde'l so hermanu Michael yera l'otru ximielgu. Casóse con Wendy Polish y tuvieron una fía llamada Logan. Wendy ye diseñadora gráfica y dirixó el departamentu d'arte de la película Northfork en 2003, un trabayu del so home Mark y el so cuñáu Michael.
En 1999 escribió y participó como actor na película Twin Falls Idaho, onde'l so hermanu Michael exerció de direutor, amás d'ayudar na producción y el guión. Este foi'l primer trabayu de dambos como "los hermanos Polish".
La so cuñada ye l'actriz estauxunidense Kate Bosworth, quien ye bien conocida pol so papel de Jill Taylor na película 21: Blackjack.
Filmografía
Cine
| Añu | Película | Papel | Función |
|---|---|---|---|
| 2015 | Hot Bot | Guionista | |
| 2011 | For Lovers Only | Yves | Actor, guionista y productor |
| 2009 | Stay Cool | Actor y guionista | |
| The Smell of Success | |||
| 2006 | The Astronaut Farmer | Axente Mathis del FBI | Actor, guionista y productor |
| 2003 | Northfork | Willis O'Brien | |
| 2002 | El bon lladrón | Albert | Actor |
| 2001 | Jackpot | Sad Eyes | Actor, guionista y productor |
| 1999 | Twin Falls Idaho | Blake Falls | Actor y guionista |
| 1996 | Hellraiser: Bloodline | Ximielgu Cenobita | Actor |
Curtiumetraxes
| Añu | Títulu | Papel | Direutor |
|---|---|---|---|
| 2008 | A el's Beef | Al | Dennis Hauck |
| 2004 | Job 7:10 | Tony Perri, Sheldon Strickland |
Premios y Nominaciones
Premios Gotham
| Añu | Categoría | Película | Resultáu |
|---|---|---|---|
| 1999 | Meyor película | Twin Falls Idaho | Nomáu |
Premios Independent Spirit
| Añu | Categoría | Película | Resultáu |
|---|---|---|---|
| 2002 | Premiu John Cassavetes | Jackpot | Ganador |
Referencies
- ↑ Afirmao en: Google Freebase Data Dump. Editorial: Google.
- ↑ Identificador ČSFD de persona: 4584. Apaez como: Mark Polish. Data de consulta: 9 ochobre 2017.
- ↑ Biografía de Mark Polish na so propia web oficial Consultáu 01-07-2014
- ↑ Ficha de Twin Falls Idaho en Filmaffinity Consultáu'l 01-07-2014.
- ↑ Kate Bosworth en 21: Blackjack Consultáu'l 01-07-2014.
Enllaces esternos
- Ficha de Mark Polish na Internet Movie Database (n'inglés)
- Páxina web oficial de los hermanos Polish