Introduction
Lajos Papp [lajoŝ pap], laŭ hungarlingve kutima sinsekvo Papp Lajos estis hungara kuracisto, kirurgo pri koroj, ortopedo, profesoro. Lia frato estas László Papp (zoologo).
Lajos Papp [1] naskiĝis la 21-an de marto 1948 en Aranyosgadány.
Biografio
La familio Papp estis deportita inter 1951 kaj 1957 al Csurgó, Mágocs. La juna Lajos frekventis gimnazion en Pécs, poste li estis ministo unu jaron, poste li laboris en hospitalo. Li akiris kuracistan diplomon en Universitato de Pécs en 1973, poste li laboris en la urba hospitalo, dume li akiris pliajn 3 fakdiplomojn. Inter 1977 kaj 1991 li laboris en kliniko pri kormalsanoj en Budapeŝto. En la studjaro 1984 li esploris en Harvardo. En 1989 li doktoriĝis el medicinaj sciencoj. En 1991 li komencis instrui en universitato, ekde 1994 en kampuso en Zalaegerszeg, ekde 1997 en Pécs. En 2008 li emeritiĝis. Li ricevis la unuan premion en Oksfordo en 1996, poste hungarajn premiojn kaj memormedalojn ĝis 2014. Li havas edzinon, kiu naskis 2 gefilojn.
Elektitaj libroj
- Jöjjön el a Te országod (2003)
- Szabadíts meg a gonosztól (2008)
- Gyógyító Gondolatok. Breviárium (2013)