Hans Bang

Hans Bang (21. mars 1821–30. juli 1893) var ein norsk kjøpmann, skipsreiar, ordførar og stortingsmann frå Risør.

Bang var son til ein kjøpmann. Han dreiv sjølv som kjøpmann i fødebyen frå 1847 til 1874, attåt at han var trelasthandlar og skipsreiar. I 1874 busette han seg på garden Tanum i Brunlanes som han åtte, men flytta allerie året etter til Kristiania, der han budde resten av livet.

Bang var i mange år ordførar i Risør, og dessutan kemnar og styreleiar («direktør») i den lokale sparebanken. Valbolken 1874-76 representerte han valkrinsen Østerrisør på Stortinget, der han var medlem av protokollkomiteen.

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Hans Bang NSD Norsk senter for forskningsdatas politikararkiv