Gary Slaymaker

Beirniad ffilmiau, cyflwynydd teledu a radio, nofelydd a digrifwr Cymreig ydy Gary Slaymaker (ganwyd 8 Tachwedd 1963). Ganwyd yng Nghwm-ann, Llanbedr Pont Steffan, Ceredigion. Mae nawr yn byw yng Nghaerdydd.

Fe gyflwynodd rhaglenni Potsh a Slaymaker ar S4C yn y 1990au. Bu hefyd yn cyflwyno rhaglen Hwyrach ar BBC Radio Cymru yn ystod yr 1980au. Rhwng 2006 a 2011 roedd yn gyflwynydd y cwis dychanol Bwletîn ar BBC Radio Cymru.

Mae e'n adolygwr ffilmiau ar gyfer radio a theledu Cymreig ers blynyddoedd ac ar un adeg roedd yn adolygu ffilmiau ar gyfer y Western Mail.

Cyhoeddodd ei nofel gyntaf, Y Sach Winwns, yn 2005.

Bu'n perfformio comedi stand-up yn Gymraeg a Saesneg ers 1992.

• Y Sach Winwns, Medi 2005, Gwasg Gomer, ISBN 978-1-84323-572-9
• Y Jobyn Gorau Yn y Byd, cyfres Stori Sydyn 2007, Y Lolfa, ISBN 978-0-86243-941-5

• Cwmni Slaycorp
• Gary Slaymaker, Twitter