David Samvelyan

Վիքիպեդիայում կան հոդվածներ Սամվելյան ազգանունով այլ մարդկանց մասին։

Դավիթ Սամվելի Սամվելյան (հուլիսի 16, 1983(1983-07-16), Երևան, Հայկական ԽՍՀ, ԽՍՀՄ), հայ աստվածաբան, գրող, արձակագիր։

Դավիթ Սամվելյանը ծնվել է 1983 թվականի հուլիսի 16-ին Երևանում։ 1990-2000 թվականներին սովորել է թիվ 181 դպրոցում։ 2000-2004 թվականներին սովորել է Երևանի պետական համալսարանի աստվածաբանության ֆակուլտետի բակալավրիատում։ 2004-2006 թվականներին սովորել է նույն ֆակուլտետի մագիստրատուրայում, ստանալով կրոնագետ-եկեղեցաբանի մագիստրոսի կոչում։ 2006-2008 թվականներին ծառայել է Հայաստանի զինված ուժերում։

2005 թվականի դեկտեմբերի 3-ին «Եկեղեցին որպես մշակույթի պահպանման ու զարգացման օջախ» թեմայով ներկայացրել է զեկույց Օշականում կազմակերպված «Եկեղեցի, Պետություն, Երիտասարդություն» գիտաժողովի ընթացքում։ 2016 թվականի հունիսի 20-ին «Աստղագիտություն և Պոեզիա» թեմայով կարդացել է հատուկ զեկույց ԳԱԱ «Մշակութային Աստղագիտություն» գիտաժողովի ընթացքում։ 2021 թվականի նոյեմբերի 26-ից հանդիսանում է Հայաստանի գրողների միության անդամ։ Նրա ստեղծագործությունները տպագրվել են «Նորք», «Կայարան», «Գարուն» գրական ամսագրերում և առանձին էսսեներ ու պատմվածքներ էլ էլեկտրոնային պարբերականներից «Գրանիշ», «Անդին», «Գրքամոլ» և այլ կայքերում։

Գրում է մարդկային հարաբերությունների, մարդու ներաշխարհի, ապրումների, հույզերի ու զգացմունքների, ներքին մղումների ու պայքարի մասին։ Ստեղծագործությունների կիզակետում մարդն է։

• 2005-2006 թվականներին Արարատյան թեմի երիտասարդաց շարժում, խորհրդական, գանձապահ
• 2005-2006 թվականներին Ազգային առաջնորդության ինստիտուտ. Սաղմոսավան գյուղի դպրոցում կիրակնօրյա դպրոցի և միջոցառումների կազմակերպիչ
• 2008-2009 թվականներին Քրիստոնեական դաստիարակության կենտրոնի փոխտնօրեն, տարածքային պատասխանատու
• 2009-2012 թվականներին Սևանի Վազգենյան հոգևոր Ճեմարանի վերակացու
• 2013 թվականից M.E.P.H. Engineering LTD, անձնակազմի հետ տարվող աշխատանքների կազմակերպիչ և վերահսկող
• 2017-2018 թվականներին Բուկինիստ գրախանութների ցանց, գրքի խորհրդատու
• 2019 թվականից «Էդիթ Պրինտ» հրատարակչություն, վաճառքի և մարքեթինգի բաժնի գլխավոր մասնագետ
• 2022 թվականից «Էդիթ Պրինտ» հրատարակչության գլխավոր խմբագիր

Թարգմանություններ

• Գասպարյան Ա., Կովկասի Արքան, Երևան, Էդիթ Պրինտ, 368 էջ
• Օհանջ Կ., Արամյանց. Էդիթ Պրինտ, 160+16 էջ
• Հ․ Ք․ Անդերսեն, Հեքիաթներ,Էդիթ պրինտ, 112 էջ

• ԵՊՀ պարբերականում «Լուսե Երազ» բանաստեղծություն, 2004
• «Լուսե Երազ» բանաստեղծությունների ժողովածու, 2010
• «Նա և Նրա» արձակ բանաստեղծությունների և նովելների ժողովածու, 2014
• «Արտագաղթած կարոտ» արձակ բանաստեղծությունների, էսսեների և պատմվածքների ժողովածու, 2016, 2019
• «Ռոդենի ձմեռը», 2017, 2019
• «հակաՔԱՂԱՔական», 2019,
• «Զգուշացեք, դռները չեն փակվում», 2020,
• «Հայելապատում»
• «Չորրորդ փողոց» պատմվածքների և էսսեների ժողովածու, 2022
• «Ունայնություն ըստ սերերի» բանաստղծությունների և էսսեների ժողովածու, 2023

• Դավիթ Սամվելյանը Կայարան գրականում
• «Հայրենիքը չեմ կարող կաղապարի մեջ դնել»
• «Նա և Նրա». հարցազրույց աստվածաբան, գրող Դավիթ Սամվելյանի հետ Արխիվացված 2014-05-18 Wayback Machine
• Մի շտապեք մարդկանց ասել «հաջողություն», ասեք`«ցտեսություն»… Արխիվացված 2015-01-23 Wayback Machine
• Անվերադարձ արտագաղթած կարոտներ. Դավիթ Սամվելյանի նոր ժողովածուն կներկայացվի ընթերցողներին