Introduction
Curt Bjedrich Wylem Handrik (němsce Kurt Friedrich Wilhelm Handrick; * 24. apryla 1885 w Rudeji, † 30. apryla 1962) bě serbski ewangelski farar, kiž skutkowaše we Łupjanskej, Klukšanskej a najdlěši čas w Poršiskej wosadźe.
Handrik bu 24. januara 1912 w starobje 26 lět ordinowany a nastupi swoje prěnje farske městno w młodej Łupjanskej wosadźe. 1915 přewza jako naslědnik zemrěteho Božidara Běrnika wo wjele wjetšu Klukšansku wosadu, hdźež 11 lět skutkowaše. 1926 bu do Poršicach přesadźeny, tehdy hišće přewažnje serbskeje wosady.
Kaž fararjo Riota w Rakecach, Wjezar w Hodźiju a Kapler w Njeswačidle zastupi Handrik w lěće 1933 do NSDAP a bě za čas nacionalsocializma přiwisnik „Němskich křesćanow“ (DC). Porno Rioće a Kaplerjej móžeše pak po wójnje jako „jednory sobuběhar“ dale w swojej wosadźe skutkować. Wón bu 1. oktobra 1952 emeritowany a wosta hišće hač do 1954 jako wikar w Poršicach.
Farar Handrik bě posledni w Poršicach, kiž serbsce prědowaše.
Žórła
- Pfarrerbuch Sachsen: Handrik, Kurt Friedrich Wilhelm (němsce)
- ↑ Gerald Stone: Slav outposts in Central European History: The Wends, Sorbs and Kashubs. Bloomsbury, 2015