Introduction
| awin mia | iriniw  |
|---|---|
| askik iriniw | Kanata |
| e icinikasotc | Benoît |
| e ici wirakaniwitc | Ottawa |
| pitc ka nitawokitc | 25 Wapikon pisimw 1953 |
| pitc ka ponipimatsitc | 22 Ka wasikototc pisimw 2020 |
| e ki ititosketc | ocitakanike iriniw |
| otenaw | Manawan |
Manawan/Wemotaci
Benoit Ottawa, ka nitawkitc ni apitc 25 wapikon pisimw 1953, Gabriel Ottawa kirika Maggie Quitish ki icinikasoriwa onikihikwa.Ki poni pimatisiw ohweriw ka tatokonikasiritci 22 ka wasikatotc pisimw 2020 nete akosikamikokw Joliette. Mantcoca opanik ki otcineho. Lucienne Newashish ki wikimepan, César Newashish kirika Marie-Agathe Boivin otanisa ki niciriwa okosa, mitcetiriwa osima kirika ot akwetosima. Ki icaw kewir awacak ka ki icirakaniwitcik nete Peikwakamik kirika peikw omisa.
Ka ki ititosketc
Kinec ki otamiro manikewinik itekera masinahikekomikokw ki arotakaniwiw. Mitceto pipona ki pe okimaciwiw. Ni apitc 1991 ka tato piponikak 20 kakone pismw nac asko 28 namekosi pisimw ki witcihiew e wectakaniwonik ka kipahikatek atikamekw askik e nicto tenowesitcik Opération Nitaskinan ka ki icinikatek. Kitci ki kiskeritcikatek tan e ici onactasomikak ka minatikwaniwok kirika kitci nihiparik ka natcipictowakaniwitc kice okimaw. Nama wirata tekici ki otci kipaskohikaniwon aric ma kitci kiskeritamotirakaniwitcik ka wapisitcik tan e icinakok natcipictakewin.