Introduction
محمد فرحات عمر (12 اغسطس 1931 - 12 يوليه 1997) ممثل مصرى كوميدى ، اشتهر بتقديم شخصية الدكتور شديد . اتولد فرحات عمر يوم 12 اغسطس 1931 بحى العباسيه فى القاهره واخد ليسانس اداب قسم فلسفه من جامعة القاهره سنة 1954 فى البدايه اشتغل مدرس وبعدها انضم لفرقة "ساعه لقلبك الاذاعية" وجسد شخصيه الدكتور شديدبالمشاركة مع الخواجه بيجو ..المعلم شكل .. والرغاية .. و ابو لمعه ، وبعدها اشتغل فى مسرحيه " 30 يوم فى السجن " ، على مسرح الريحانى . ومن مسرحياته المشهورة " جوزين وفرد " ، أشترك فى حفلات أضواء المدينه فى سنة 1965
أنسحب من الوسط الفنى ليشتغل فى لجنه النشر بهيئه الكتاب و ألف كتاب عن " فن المسرح " ،و اخد شهادة الدكتوراه فى الفلسفة سنة 1968.
اشتغل فى هيئة الاذاعة البريطانية بالقسم العربى بلندن و كانت وظيفته النقد والتعليق على الافلام العربية والمسرحيات الكوميدية , ورجع للقاهرة ليمثل فى مسلسلات تلفزيونيه منها " رجوع الروح " ، " زينب والعرش " ، " أوراق الورد " ، " اصل الحكايه " .
سنة 1996 شارك فى فوازير رمضان مع حنان شوقى ووائل نور فى فوازير "غلطة فى صورة" وفوازير "عملت الواجب" من اخراج "سعد فودة".
ابنته الوحيدة "امنية عمر فرحات".
اشهر عبارته
- وماله يا خويا
- يارب يا خويا يا رب
- قولى يا ابنى هو أنا أتعشيت ولا لسه
- ما أبدعك . . . ما أروعك
- ده ايه الفتوح ده كله . . . ده انت مهول . . . ربنا يزيد ويبارك
- ده انت لقطة . . . سبحان من أبدعك . . . يا ملكوت الله
فيلموجرافيا
تمثيل (17 عمل)
1. 3 حرامية
2. حكاية العمر كله
3. عروس النيل
4. المجانين فى نعيم
5. حيرة وشباب
6. بنات بحرى
7. فطومة
8. النصاب
9. اسماعيل يس فى السجن
10. زوج بالايجا
11. حياة وامل
12. اشاعة حب
13. حماتى ملاك
14. عريس مراتى
15. رجوع الحياة
16. اسماعيل ياسين فى مستشفى المجانين
17. الست نواعم
18. رجوع الروح