Introduction
موللا بوزقورت آدیلا تانینان قاضی محمد افشار قولونجو ـ آذربایجلی سیاستآدامی شاعیر.
یاشامی
قاضی محمد افشار قولونجو (موللا بوزقورت) 1886 نجی ایلینده اورمونون قولونجو کندینده دونیایا گؤز آچدی. بیر ینجی دونیا ساواشیندا غربی آذربایجان هر طرفدن یاغیلر؛ جردهلر، چئتهلرین هجومونا معروض قالدیغی زامان قاضی محمد او بؤلگهنین گنجلرینی و ساواشچیلارینی توپلاییب و یئر-یوردلارینی مودافعه ائتمهیه قالخیر. بیر چوخ موحاریبه دن سونرا یاغی گوجلره (سیمیتقو و جیلولارا) غلبه چالیر . غربی آذربایجان بۇ چئتهلردن تمیزلندیریر.
زامان قاضی محمد تورکیه یه کؤچور و وان شهرینده ساکین اولور .اوآجیلی – شیرینلی بیر یاشام سوردوکده ،نهایت 1948 ایلده حکاری شهرینده حیاتا گؤز یومور. قاضی محمدین بیر چوخ تورکجه شعری واردیر.
شعرلریندن اؤرنک
فلک
فلک سنه نئیله میشدیم
باغریم باشین قان ائیله دین
بیر یاندان ائویم داغیتدین
بیر یاندان یاردان ائیله دین
سینه مه چکمیشسین داغی
بولبولسوز نئینیره م باغی
عؤمروموزون بۇ سون چاغی
گؤز یاشیم عوممان ائله دین
داغیتدین مولکو مالیمی
غربته سالدین یولومو
قوجاتدین بوکدون بئلیمی
حقسیز بیر دیوان ائیله دین
داغیتدین مالی دؤولتی
ایسکانیم قیلدین غربتی
چکمه دیم سندن میننتی
قتلیمه فرمان ائیله دین
گاه قاندیریب ایناندیریسین
دوست دوشمانا گولدوروسون
زیندانلارا سالدیریسین
یوسوفو کنعان ائیله دین
شوکور اولسون سنه تانریم
آتدیم کیریغ گلدی زاریم
قاپیمداکی خیدمتکاریم
باشیمدا سولطان ائیله دین
قاضی ده آغلاییر قان
فلک یئنه اولدو دوشمان
کئشکه دؤنسه یدیم بۇ زامان
مؤحتاجی بیر نان ائله دین
قایناقلار
قایناقلار