Wolfgang Osterheld

De Wolfgang Osterheld, gebuer den 20. November 1948 zu Wiesbaden, ass en däitsche Fotograf, Auteur, Iwwersetzer an Terminolog, deen zanter 1978 zu Lëtzebuerg lieft. Hien ass virun allem wéinst senge schwaarz-wäisse Portraitsfotoe bekannt.

Hien ass och den Auteur vun enger ganzer Rëtsch vu Publikatiounen an Zeitungen an Zäitschrëften, an och vu Bicher.

Am Alter vun 12 Joer ass de Wolfgang Osterheld an d'Géigend vu Paräis komm, wou hie spéider Droit a Psychologie studéiert huet.

1978 huet hie sech zu Lëtzebuerg installéiert, wou hie sech an der schwaarz-wäiss Portraitsfotografie spezialiséiert huet, virun allem vu Kënschtler, déi hie meeschtens an hirer Wunneng fotograféiert.

• 1987 Prix national de la photographie
• 1988 Prix du Fonds culturel
• 1989 Grand prix photographique de la ville de Yutz

• 1995. Portraits. Regards sur la création au Luxembourg. Éditions Phi, Iechternach. 260 S. ISBN 2-87962-043-0 (Frankräich). ISBN 3-88865-120-4 (Däitschland). Cote BNL LB 17839.

• Travestino, Emmanuelle, 1995. In: Portraits. Regards sur la création au Luxembourg. Éditions Phi, 260 S. (Presentatioun vum Fotograf W. Osterheld op der bannenzeger Säit vum Buchcover).

• Luxemburger Lexikon. Das Großherzogtum von A – Z, 2006. Zesummegestallt vum Georges Hausemer. Verlag Guy Binsfeld. Cf. Osterheld, Wolfgang, S. 326.

• Lëscht vu Fotografen

1. ↑ E. Travestino 1995.