Anne Gjevang

Anne Gjevang (fødd 24. oktober 1948 i Oslo) er ei norsk operasongarinne. Anne Gjevang syng altstemme og har vore brukt ofte i operaer av Wagner.

Gjevang har si musikalske utdanning m.a. frå Santa Cecilia-konservatoriet i Roma. Ho blei uteksaminert derifrå i 1971, same året som ho heldt konsertdebuten sin som songarinne. Ho utdanna seg vidare ved musikkhøgskolen i Wien, der ho tok eksamen i 1973. Ho song i sin fyrste opera allereie i 1972, og har hatt ein lang og innhaldsrik karriere etter dette.

I Noreg har ho m.a. sunge hovudrollene i både Frøken Julie og Carmen ved Den Norske Opera. På verdsbasis har ho sunge solo med både Berliner Philharmoniker, Chicago Symphony Orchestra og London Philharmonic Orchestra og opptredt i Metropolitan Opera i New York by, på La Scala i Milano, på operaen i Zürich, i Paris, på Royal Opera House i Londonog på festspela i Bayreuth.

Anne Gjevang har også vore avløysande operasjef på Den Norske Opera frå Paul Curran gjekk av 1. januar 2012 til Per Boye Hansen overtok stillinga 1. august.

• 1985/86: Kritikarprisen
• 1993: Lindemanprisen

• «Anne Gjevang» i Store norske leksikon, snl.no.

Fotnotar